Мясніковіч выраўноўвае паляну для пола ў Эміратах — фотарэпартаж

Цікавыя падрабязнасці візіту кіраўніка беларускага ўрада ў ААЭ.

28.02.2012 / 10:41

Нагадаем, што ўчора на сайце NN.BY з'явілася інфармацыя, што Міхаіл Мясніковіч запрасіў бізнесменаў Аб'яднаных Арабскіх Эміратаў узяць удзел у інвестпраектах у Беларусі.

Умовы партнёрства абмяркоўваліся ў час перагавораў кіраўніка беларускага ўрада са старшынёй праўлення групы кампаній «Аль Хабтур» Халафам аль Хабтурам, якія прайшлі 24 лютага, паведамлялася са спасылкай на прэс-службу ўрада. "Эмірацкі бок выказаў цікавасць да ўдзелу ў буйных інфраструктурных праектах у Беларусі. Таксама адзначана магчымасць прыцягнення да сумеснай работы партнёраў-кампаній з трэціх краін. Па выніках сустрэчы дасягнута дамоўленасць аб арганізацыі візіту ў Беларусь экспертаў групы кампаній «Аль-Хабтур» для прадметнага абмеркавання перспектыўных напрамкаў супрацоўніцтва, якія маюць узаемны інтарэс".

Сёння гэтая інфармацыя абрасла цікавымі фотаздымкамі побыту 2-й асобы ў дзяржаве ў Эміратах.

***

Група кампаній «Аль Хабтур» ахоплівае розныя сферы бізнесу: будаўніцтва, гасцінічную гаспадарку, аўтамабільны комплекс, нерухомую маёмасць, адукацыю, страхаванне і выдавецкую індустрыю. У ёй заняты больш як 40 тыс. чалавек. Будаўнічае падраздзяленне кампаніі з’яўляецца адным з буйнейшых забудоўшчыкаў на Блізкім Усходзе. У яго актыве больш як 30 буйных дзяржаўных кантрактаў. Кампанія прымала ўдзел у будаўніцтве сучаснага тэрмінала ў Дубайскім аэрапорце, а таксама шэрагу буйных гасцініц. У ліку апошніх праектаў кампаніі — будаўніцтва комплексу «Жамчужына Дубая» коштам $1,33 млрд.

Аўтамабільная падраздзяленне кампаніі мае эксклюзіўныя дылерскія правы на такія вядомыя маркі, як «Бэнтлі», «Бугаці», «Астан Марцін», «Мітсубішы».

Група кампаній «Аль Хабтур» актыўна інвесціруе ў замежныя рынкі. Рэалізуе буйныя праекты ў ЗША, Вялікабрытаніі, Францыі, Ліване, Іарданіі, Катары, Егіпце. Пасля зліцця з аўстралійскай кампаніяй «Лейтан Груп» «Аль Хабтур» пашырыла сферу дзейнасці па такіх напрамках, як энергетыка, дарожнае будаўніцтва, нафтахімія, здабыча карысных выкапняў.

Узначальвае групу кампаній «Аль Хабтур» эмірацкі бізнесмен Халаф аль-Хабтур. Ён таксама з’яўляецца старшынёй Дубайскай нацыянальнай страхавой кампаніі і ўваходзіць у склад Эканамічнана савета эмірата Дубай.