Skandał: Žyrynoŭski abraziŭ Puhačovu ŭ žyvym efiry — videa
dadałosia poŭnaje videa debataŭ
Puhačova taksama pa słova ŭ kišeniu nie palezła: «Nie kryčy na mianie, budučy prezident. Vy prosta błazan i psich».
28.02.2012 / 20:23
Žyrynoŭski: «Jelcyn — pjany niedavumak».
Kandydat u prezidenty Rasii, lidar ŁDPR Uładzimir Žyrynoŭski, učyniŭ skandał padčas pieradvybarnych debataŭ z Ałaj Puhačovaj na zdymkach pieradačy «Pajadynak» z Uładzimiram Sałaŭjovym.
Žyrynoŭski abvinavaciŭ Puhačovu i ŭsich artystaŭ u cełym u pradažnaści, a jana ŭ adkaz nazvała jaho «hańbaj našaj krainy». «Ja dumała, što vy kružaŭnik, palityk, chitry čałaviek, a vy prosta błazan i psich», — zajaviła Puhačova. «Ja taki, jaki ja jość. U hetym majo charastvo», — paryravaŭ Žyrynoŭski.
«Vy, artysty, jak apošnija prastytutki, kładzieciesia pad luboha kiraŭnika za hrošy!» — zajaviŭ palityk, pa ŭsioj bačnaści majučy na ŭvazie toj fakt, što Ała Puhačova vystupaje davieranaj asobaj Michaiła Procharava na prezidenckich vybarach.
Kali Puhačova pasprabavała pierabić Žyrynoŭskaha, a viadučy prahramy papiaredziŭ jaje, što ciapier «pa zakonie» čas jaho vystupu, lidar ŁDPR zajaviŭ: «Jana nie razumieje hetaha, jana zakonaŭ nie čytaje. U jaje zakon adzin — mianiać mužoŭ kožnyja piać chvilin».
Całkam usie debaty