ЕС мае намер працаваць над далейшымі мерамі ў дачыненні Беларусі
02.03.2012 / 14:43
Лідары краін Еўрасаюза плануюць ухваліць прынятыя ў дачыненні да афіцыйнага Мінска санкцыі і маюць намер прадоўжыць працу ў гэтым кірунку. Вытрымкі з праекта заявы па Беларусі, якая, як чакаецца, будзе ўхвалена сёння на саміце Еўрасаюза ў Бруселі, публікуе агенцтва DPA.
У праекце выказана «сур’ёзная і ўзрастаючая занепакоенасць далейшым пагаршэннем сітуацыі ў Беларусі», а таксама вітаецца прынятае 27 лютага на пасяджэнні Савета міністраў замежных спраў ЕС рашэнне аб санкцыях.
Лідары краін ЕС маюць намер заклікаць сваіх міністраў «прадоўжыць працаваць над далейшымі мерамі» ў дачыненні да афіцыйнага Мінска.