Azaranka vyjšła ŭ paŭfinał turniru ŭ Indyjan-Uełsie
15.03.2012 / 10:8
Biełaruskaja tenisistka Viktoryja Azaranka vyjšła ŭ paŭfinał tenisnaha turniru ŭ Indyjan-Uełsie (ZŠA) z pryzavym fondam 5,536 młn dalara.
14 sakavika ŭ 1/4 finału (piataje koła) pieršaja rakietka śvietu za 68 chvilin pieramahła polku Ahniešku Radvańska (5) - 6:0, 6:2. Azaranka mahła vyjhrać i "ŭsuchuju", ale ŭ druhim secie pry liku 5:0 prajhrała hiejm na svajoj padačy.
Nastupnaja sapiernica biełaruskaj tenisistki vyznačycca ŭ matčy niemki Anhielika Kierbier (19) i kitajanki Na Li (8).
Z pačatku siezonu-2012 Azaranka atrymała ŭ adzinočnym razradzie 21 pieramohu zapar (ahulnaja roźnica vyjhranych i prajhranych setaŭ - 42:5, hiejmaŭ - 269:121), staŭšy lepšaj na turnirach u Sidnei i Dosie, a taksama na adkrytym čempijanacie Aŭstralii. Spartsmienka paŭtaryła dasiahnieńnie amierykanki Siereny Uiljams, jakaja na starcie 2003 taksama vyjhrała 21 matč z 21.