Спорт

Вызначыліся ўсе ўдзельнікі 1/4 фіналу Лігі чэмпіёнаў

У сераду вызначыліся ўсе ўдзельнікі чвэрцьфіналу футбольнай Лігі чэмпіёнаў.

Мадрыдскі «Рэал» выйграў на «Санцьяга Бернабэў» у ЦСКА 4:1 (першы матч 1:1), а «Чэлсі», пазбыўшыся партугальскага трэнера Андрэ Вілаша-Боаша, узяў рэванш у італьянскага «Напалі» ў дадатковы час — 4:1 (першы матч 1:3).

Раней у чвэрцьфінал выйшлі супернікі БАТЭ па групавым турніры Лігі чэмпіёнаў «Барселона» і «Мілан», а таксама «Баварыя», кіпрскі «АПОЭЛ», «Марсэль», лісабонская «Бенфіка».

Лёсаванне стадыі пройдзе ў пятніцу, 16 сакавіка, а сёння будуць згуляныя матчы ў адказ 1/8 фіналу Лігі Еўропы.

Каментары да артыкула