Dyńko «zabirajuć u armiju»

Daviedku pra heta jamu vydali ŭ padraździaleńni pa hramadzianstvie i mihracyi.

19.03.2012 / 09:50

Fota Siarhieja Hudzilina.

Šef-redaktar «Našaj Nivy» Andrej Dyńko ŭklučany ŭ śpis nievyjaznych ź Biełarusi za «ŭchileńnie ad jaŭki na mierapryjemstvy pa pryzyvie». Daviedku pra heta jamu vydali ŭ padraździaleńni pa hramadzianstvie i mihracyi.

38-hadovy Dyńko — staršy lejtenant zapasu. Tamu takaja pryčyna admovy na vyjezd — jurydyčny nonsens.

Nie moža być pryzvany na słužbu toj, chto ŭžo zvolnieny ŭ zapas. Adnak praces abskardžvańnia praz sud zojmie nieklki miesiacaŭ. Pry hetym nijakich pozvaŭ u vajenkamat Dyńko nie atrymlivaŭ.

Takuju sama pryčynu zabarony na vyjezd vyznačyli dla byłoha palitviaźnia i kiraŭnika pravaabarončaj arhanizacyi «Płatforma» Andreja Bandarenki.

Bandarenka pacikaviŭsia ŭ vajenkamacie, što ŭsio heta značyć. «Mnie adkazali, što nijakich dziejańniaŭ pa maim pryzyvie vajenkamat nie ažyćciaŭlaŭ, što heta naohuł niedarečnaść, što hetaha nie moža być, i što ja, aficer zapasu, prosta duru hałavu rabotnikam vajenkamata», — skazaŭ Bandarenka.

Raniej stali viadomy pryčyny zabarony na vyjezd staršyni BAŽ Žańnie Litvinoj i staršyniu Chielsinskaha kamiteta Alehu Hułaku.

U pieršym vypadku heta «vinavataja pa spravie ab bankructvie», u druhim — «hramadzianski pazoŭ suprać jaho». Usiaho ŭ śpisie nievyjaznych 108 čałaviek, paviedamiła partału Tut.baj krynica ŭ dziaržaŭnych strukturach. U niadzielu stała viadoma, što siarod hetych 108-i — pieršy staršynia Viarchoŭnaha Savieta niezaležnaj Biełarusi prafiesar Stanisłaŭ Šuškievič. Faktyčna, zakładnikami zroblenaja vialikaja hrupa nacyjanalnaj elity.

NN.BY