Пытанне санкцый, магчыма, разгледзяць на гэтым тыдні
20.03.2012 / 17:21
Мяркуецца, што на гэтым тыдні кіраўнікі МЗС краінаў ЕС абмяркуюць дадатковыя санкцыі ў дачыненні да Сірыі, Беларусі і Ірана. Пра гэта нямецкаму агенцтву DPA паведаміла ў Брусэлі крыніца ў дыпламатычных колах.
«Беларускае пытанне» разгледзяць, магчыма, у пятніцу.Гаворка ідзе пра санкцыі супраць тых беларускіх фірмаў і прадпрымальнікаў, якія падтрымліваюць Лукашэнку. Чакаецца, што на сустрэчы міністраў у пятніцу абмяркуюць таксама і пытанне, ці вяртацца паслам ЕС у Мінск.