Лукашэнка назваў Брэсцкую і Магілёўскую вобласці адстаючымі

Схаванае беспрацоўе, падзенне ВУП, недавер да ўладаў.

28.03.2012 / 10:42

Аляксандр Лукашэнка запатрабаваў вырашыць праблемы, якія тармозяць развіццё Брэсцкай і Магілёўскай абласцей. Такую задачу ён паставіў 27 сакавіка, прымаючы з дакладамі кіраўнікоў гэтых рэгіёнаў Канстанціна Сумара і Пятра Рудніка, паведамляе БЕЛТА.

Лукашэнка заявіў, што, па выніках сацыялагічных даследаванняў дзве гэтыя вобласці, і Брэсцкая, і Магілёўская, па ўзроўню даверу мясцовым органам улады знаходзяцца на апошніх месцах.

Па-другое, у гэтых рэгіёнах на сённяшні дзень самы высокі па краіне ўзровень вымушанай няпоўнай занятасці.

Па-трэцяе, практычна ў кожным раёне парушаліся тэрміны выплаты зарплаты.

«На гэтым фоне назіраецца істотнае пагаршэнне сацыяльна-псіхалагічнай сітуацыі ў працоўных калектывах», — канстатаваў кіраўнік дзяржавы.

Акрамя таго, у рэгіёнаў самыя нізкія ў краіне тэмпы развіцця. «Больш таго, Брэстчына па валавому рэгіянальнаму прадукту не змагла дасягнуць нават мінулагодняга ўзроўню», — заўважыў Лукашэнка.

«Прашу адказаць на гэтыя пытанні. Нельга забываць, што названыя праблемы, а таксама іншыя, якія існуюць у абласцях, павінны быць вырашаны», — падкрэсліў Аляксандр Лукашэнка.