У святы, замаркоціўшыся на хутарах, хутаране прыйшлі да вяскоўцаў пачасаць языкі

«НН» сто гадоў таму

28.03.2012 / 11:40

Бель. Горацкі павет. У святы, замаркоціўшыся на хутарах, хутаране прыйшлі да вяскоўцаў пачасаць языкі. Вось адзін з іх і заспорыў аб тым, што яго піпка куды лепшая, чым у яго суседа-вяскоўца. Ну і пачалі крэмсаць адзін аднаго па санках. Вяскоўцу памаглі свае; свае памаглі і хутараніну, ды ладна падзялілі паміж сабой бубашак: каля 10 піджакоў і кашуль парвалі, не лічачы парваных твараў, паламаных галоў і рук.

«НН». № 12. 1912.

Андрэй Клімаў вызвалены 25 сакавіка 2002 з турмы. «У турме я ўсвядоміў адну рэч — чалавек моцны духам. Я вельмі верыў, што нарэшце выйду на свабоду, і я выйшаў, зараз я бачу і веру ў тое, што ў Беларусі ёсць каму адстойваць яе незалежнасць, ёсць каму змагацца за эканамічны росквіт. Нам ёсць куды ісці, нам ёсць што вымятаць з нашага дома. Жыве Беларусь!»

«НН». № 12. 2002.