Назарбаеў прыедзе ў Беларусь

28.03.2012 / 14:12

Сёлета прэзідэнт Нурсултан Назарбаеў можа наведаць Беларусь з афіцыйным візітам, паведаміў новы пасол Казахстана ў Беларусі Ергалі Булегенаў 28 сакавіка на сваёй першай прэс-канферэнцыі ў Мінску.

«Прапрацоўваецца пытанне афіцыйнага візіту прэзідэнта Назарбаева ў гэтым годзе. Па тэрмінах пакуль цяжка штосьці сказаць, але візіт адбудзецца», — падкрэсліў дыпламат.

На пытанне БелаПАН аб магчымым візіце Аляксандра Лукашэнкі ў адказ пасол сказаў: «Калі мы плануем сёлета прыезд Назарбаева, то, зразумела, візіту ў адказ за такі кароткі тэрмін, хутчэй за ўсё, не будзе».

Булегенаў таксама паведаміў, што на восень намечана пасяджэнне беларуска-казахстанскай міжурадавай камісіі па гандлёва-эканамічным супрацоўніцтве.