Łukašenka adpačyvaje ŭ Sočy sa śpiavačkami i spartoŭcami
Razam z Łukašenkam u Sočy prylacieli Iryna Darafiejeva, śpiavačka Žanet, śpiavak Šyr i biełaruskija spartoŭcy Nieściarenka, Zubryłava, Bułyhin dy inšyja.
13.03.2007 / 13:41
Alaksandar Łukašenka adpačyvaje na harnałyžnym kurorcie ŭ Sočy. U hateli 30 dvuchmiascovych numaroŭ z spartovaj i trenažornaj zalami. Razam ź im u haścinicy raskašujuć Iryna Darafiejeva, śpiavačka Žanet, śpiavak Šyr i biełaruskija spartoŭcy Nieściarenka, Zubryłava, Bułyhin dy inšyja. Usiaho piać dziasiatkaŭ čałaviek.
«Nas usich prysłali rychtavacca da pryjezdu prezydenta prama 8 sakavika. Tre było ŭsio paśpieć da adkryćcia», – paviedamiła «KP v Biełarusi» supracoŭnica biełaruskaj haścinicy ŭ Sočy.
«Tut usie zadavolenyja. Zapalilisia hornymi łyžami. Katajemsia ź cikavaściu. Tolki voś siońnia vialikaja smuha. Žyviom u novym kompleksie «Biełaruś», – raspaviała alimpijskaja čempijonka Julija Nieściarenka ŭ interviju «KP v Biełarusi». – Da abiedu katajemsia kožny dzień. Uviečary ŭ kompleksie chodzim u basiejn, saunu, biljard, trenažornuju zału».
Adzin dzień adpačynku ŭ sočynskim sanatoryi «Biełaruś» kaštuje ad 50 da 80 dalaraŭ. 10 sakavika pry im adkryli harnałyžny kompleks.