Выстава архідэй пройдзе ў Цэнтральным батанічным садзе 7–8 красавіка

03.04.2012 / 10:40

Тэматычная выстава архідэй пройдзе ў Цэнтральным батанічным садзе (ЦБС) Нацыянальнай акадэміі навук 7 і 8 красавіка.

У гэтыя дні наведвальнікі батанічнага саду змогуць убачыць рэдкія архідэі, фаленопсісы, цымбідыумы, архідэі ў колбах. Пройдуць майстар-класы і кансультацыі, на якіх можна будзе даведацца, як размнажаюцца архідэі і як іх вырошчваюць.

«Архідэі з’яўляюцца аднымі з самых прыгожых і распаўсюджаных раслін на Зямлі, яны адрозніваюцца афарбоўкай і памерамі», — падкрэсліваюць спецыялісты.