У Токіа пачаўся наймагутнейшы з 1959 года ўраган

03.04.2012 / 11:30

Каля Токіа з-за мацнейшага за больш чым 50 гадоў урагану абвешчана штармавое папярэджанне, паведамляе метэаралагічная служба Японіі.

Сіла ветру ўрагану, які рухаецца ў бок Токіа, дасягае 117 кіламетраў у гадзіну.

У горадзе адменена каля 600 авіярэйсаў, спынены рух на шэрагу чыгуначных магістраляў. З-за ўрагану, які насоўваецца на сталіцу Японіі з паўднёвага захаду, закрыта мноства офісаў, тысячы супрацоўнікаў кампаній адпушчаныя з працы.

У Метэаралагічнай службе Японіі жыхароў ціхаакіянскага ўзбярэжжа папярэдзілі аб магчымасці ўзнікнення хваляў вышынёй да 10 метраў.

Адзначаецца, што цяперашні ўраган па прыродзе не з’яўляецца тайфунам, бо сфармаваўся з-за розніцы тэмператур паветраных мас, а не вады.