Заўтра тэмпература будзе вагацца ад мінус 6°С ноччу да +16°С

10.04.2012 / 14:42

Згодна з прагнозам Рэспубліканскага гідраметэацэнтра, 11 красавіка ў Беларусі чакаецца пераменная воблачнасць. Пераважна без ападкаў, толькі па ўсходняй палове Магілёўскай вобласці невялікія ападкі (мокры снег, дождж). Вецер паўднёва-ўсходні 4–9 м/с, днём па захадзе парывы да 14 м/с. Тэмпература паветра мінімальная ноччу мінус 6 — плюс 1°С, максімальная днём плюс 5–11°С, па захадзе плюс 12–16°С.

У Мінску 11 красавіка пераменная воблачнасць. Без ападкаў. Вецер паўднёва-ўсходні 4–9 м/с. Тэмпература паветра мінімальная ноччу мінус 3–5°С, максімальная днём плюс 8–10°С.

12 красавіка ў Беларусі чакаецца пераменная воблачнасць. Пераважна без ападкаў, толькі днём месцамі па захадзе кароткачасовыя дажджы. Вецер паўднёва-ўсходні 4–9 м/с. Тэмпература паветра мінімальная ноччу мінус 2 — плюс 5°С, максімальная днём плюс 10–17°С, па паўднёвым захадзе плюс 18–20°С.

13 красавіка ў Беларусі пераменная воблачнасць. Месцамі па заходняй палове краіны кароткачасовыя дажджы, днём магчымы навальніцы. Вецер паўднёвы 4–9 м/с, днём парывы да 14 м/с. Тэмпература паветра мінімальная ноччу плюс 2–9°С, максімальная днём плюс 14–21°С.