Stalica Tadžykistanu biez elektryčnaści
U vyniku avaryi stalica Tadžykistanu Dušanbe z ranicy pazbaŭlenaja elektryčnaści.
14.03.2007 / 18:10
U vyniku avaryi stalica Tadžykistanu Dušanbe z ranicy pazbaŭlenaja elektryčnaści.
Nie pracujuć pradpryjemstvy, nia jeździać tralejbusy, u damach niama śviatła. Avaryja zdaryłasia na enerhietyčnych linijach, pa jakijach enerhija pastaŭlajecca ŭ Dušanbe z susiedniaha Ŭzbekistanu.
Tadžyckija i ŭzbeckija enerhietyki, jakija vypraŭlajuć paškodžańnie na miažy, śćviardžajuć, što likvidujuć avaryju da viečara. Incydent nakłaŭsia na enerhietyčny kryzys Tadžykistanu, vyklikany prablemami na najbujniejšaj u krainie Nureckaj hidraelektrastancyi la raki Vachš, bo ŭzrovień vady ŭpaŭ nižej za krytyčny. Sytuacyju nie ratuje nadvorje – da hetaha času ŭ harach nie rastajaŭ śnieh, što papaŭniaje tadžykskija reki.
Adsutnaść elektraenerhii vyklikała abmiežavańnie pastavak elektryčnaści ŭ harady da 2 hadzinaŭ u dzień. Tadžyckaja vioska žyvie biez elektryčnaści ź listapadu 2006 h.