Na Malcie Livija trymała 300 miljonaŭ, a siamja Kadafi asabista — 86 miljonaŭ

Rachunki dyktatara i jahonych synoŭ zastajucca zabłakavanymi.

12.04.2012 / 09:06

Malta razbłakavała kala €300 młn, jakija naležać roznym livijskim kampanijam, paviedamlaje navinavy partał Malta Today sa spasyłkaj na ministra zamiežnych spraŭ krainy Tonia Borha.

«Sankcyi suprać Livii byli źniatyja, i Malta razbłakavali rachunki. Miž tym aktyvy na sumu ŭ €86 miljonaŭ, što naležać Kadafi i jaho siamji, zastanucca zabłakavanymi», — zajaviŭ Borh. Malta zamaroziła srodki Livii ŭ žniŭni 2011 hoda ŭ ramkach sankcyj, uviedzienych AAN i Jeŭrasajuzam.

MB