Pucin nie zaprasiŭ Benedykta XVI u Rasieju
Nasupierak raniejšym spekulacyjam, Pucina nie supravadžaŭ nivodny pradstaŭnik pravasłaŭnaj Carkvy, jakaja z časoŭ pantyfikatu Jana Paŭła II supraciŭlajecca vizytu Papy ŭ Rasieju.
16.03.2007 / 13:19
Vizyt rasiejskaha prezydenta Ŭładzimiera Pucina ŭ Vatykan nie prynios pierałomu ŭ adnosinach pamiž katalickim Kaściołam i Rasiejaj. Nasupierak raniejšym spekulacyjam, Pucina nie supravadžaŭ nivodny pradstaŭnik pravasłaŭnaj Carkvy, jakaja z časoŭ pantyfikatu Jana Paŭła II supraciŭlajecca vizytu Papy ŭ Rasieju.
Uładzimier Pucin pieradaŭ Benedyktu XVI pryvitańnie ad maskoŭskaha patryjarcha Aleksija II, adnak ničoha nie skazaŭ pra eventualnuju pilihrymku Papy. Razmova, što viałasia pa‑niamiecku, ciahnułasia niapoŭnyja paŭhadziny. Hałoŭnaja meta pryjezdu Pucina ŭ Italiju — pieramovy pa pytańniach ekanomiki ź italjanskim premjeram Ramana Prodzi.
Volha Daniševič pavodle gazeta.pl