Rasieja daść kredyt tolki pad pracenty
16.03.2007 / 15:58
Rasieja hatovaja dać Biełarusi stabilizacyjny kredyt dy nia bačyć nijakich pieraškodaŭ u hetym pytańni. Ot ža tolki na biezadsotkovy kredyt siońnia Miensku ličyć nia śled. Pra heta paviedamiŭ Pasoł RF u Biełarusi Alaksandar Surykaŭ na adkryćci ŭ Miensku forumu rusistaŭ.
Rasiejski bok nieadnarazova zajaŭlaŭ, što hatovy dapamahčy Biełarusi», — cytujuć Surykava aficyjnyja ŚMI.
Nahadajem, što na pačatku sakavika biełaruski ŭrad aficyjna paćvierdziŭ svaju prośbu pra stabilizacyjny kredyt pamieram 1,5 młrd USD.
Razam z tym zapytanaja Biełarusiaj suma 1,5 młrd USD nia duža zasmučvaje rasiejski bok, niahledziačy na toj fakt, što ŭ rasiejskim biudžecie takaja suma nie praduhledžanaja.
«Kredyt možna pieradavać tranšami, z ulikam pierahladu parametraŭ biudžetu. Niejkich prablemaŭ ja nia baču», — kaža ambasadar, adrazu ž nahadaŭšy, što źmieny, zaniesienyja ŭ biudžetny kodeks Rasiei, zabaraniajuć uradu vydavać biezadsotkavyja kredyty.
Razam z tym, Maskva ŭžo na hetym tydni čakała delehacyju ź Biełarusi ŭ pytańni kredytu. Ale, vidać, u Miensku vyrašyli sčakać z hetym pytańniem.