Niekalki maładafrontaŭcaŭ byli zatrymanyja supracoŭnikami KDB
Siońnia adviačorkam supracoŭniki KDB zatrymali na vulicy aktyvistaŭ niezarehistravanaj arhanizacyi «Małady front».
16.03.2007 / 20:34
Siońnia adviačorkam supracoŭniki KDB zatrymali na vulicy aktyvistaŭ niezarehistravanaj arhanizacyi «Małady front».
Siarod zatrymanych ‑‑ Barys Harecki, Valer Mackievič i troje siabroŭ arhanizacyi. U chłopcaŭ zabrali sumki i pierahledzieli tam usie rečy. Razam z Barysam była jahonaja maci. Jana zajaviła milicyjantam, što budzie vystupać śviedkaj i padaść zajavu, kali tyja składuć pratakoły na junakoŭ ab tym, što jany nibyta niecenzurna łajalisia. Praź niekalki chvilinaŭ maładafrontaŭcaŭ adpuścili.
Barys Harecki adznačyŭ, što paŭtarajecca minułahodniaja sytuacyja, kali niekalki dziesiatkaŭ maładych ludziej trapili za kraty preventyŭna napiaredadni bujnoj akcyi apazycyi.