На беларуска-польскай мяжы пачынаюць стварацца чэргі

08.05.2012 / 10:18

Вечарам 7 мая ў пунктах пропуску на беларуска-польскай мяжы пачалі стварацца чэргі легкавых і грузавых аўтамабіляў. Як паведамілі ў Дзяржаўным пагранічным камітэце Беларусі, гэта можа быць звязана з планаванымі польскім прафсаюзам мытнікаў забастоўкамі.

Іх прызначана правесці 8, 10 і 11 мая.

У сярэдзіне дня 7 мая ва ўсіх шасці пунктах пропуску, дзе магчыма перасячэнне мяжы аўтамабільным транспартам, паводле звестак беларускіх памежнікаў, з абодвух бакоў знаходзілася каля 100 легкавых і грузавых аўтамабіляў.

Па стане на 20 гадзін гэта лічба павялічылася больш чым у два разы.
Найбольшая колькасць легкавых аўтамабіляў знаходзілася ў чарзе на выезд з Беларусі ў пункце пропуску «Брэст — Цярэспаль» — каля 100 аўтамашын.