Kiraŭnik Fiederacyi chakieja: Matčy z Francyjaj i Kanadaj praviedzienyja na vielmi dobrym uzroŭni

«Mužyki siabie prajavili», — miarkuje Jaŭhien Vorsin.

15.05.2012 / 16:43

Kiraŭnik Fiederacyi chakieja Jaŭhien Vorsin bieź lišniaj krytyki acaniŭ vyniki pravalnaha vystupu zbornaj Biełarusi na čempijanacie śvietu.

Nahadajem, prajhrali šeść matčaŭ ź siami, zaniali 7-je (pieradapošniaje) miesca ŭ hrupie i 14-je na čempijanacie. Siońnia biełarusy prajhrali Kanadzie ź likam 1:5, učora Francyi ź likam 1:2.

«Dva apošnija matčy byli praviedzienyja na vielmi dobrym uzroŭni. Ale siońnia sudździ sapsavali ŭsiu hulniu. Pry liku 1:1 šerah vydaleńniaŭ, — narakaje Vorsin.

— I ŭ kancy heta 5-chvilinnaje vydaleńnie złamała ŭsiu hulniu. Hulali siońnia vielmi vydatna. Mužyki prajavili siabie.

Nu a vynik, zrazumieła, nie zadavalniaje. Piatymi ci šostymi my musili być abaviazkova».

Jaki, na vaš pohlad, byŭ samy ŭdały i samy niaŭdały matč u vykanańni biełaruskaj kamandy?

Vielmi dobra pačali ź finami, vielmi dobra skončyli z kanadcami. Učora z francuzami, u pryncypie, taksama daminavali ŭsiu hulniu, ale vynik nie atrymaŭsia. Byŭ vyjhrany matč u kazachaŭ, chacia pavodle źmiestu byŭ nie vielmi dobry. Jak vynik heta važna. Usio astatniaje jak by epizadyčna. Z tymi ž amierykancami. Chvalepadobnaja hulnia na praciahu adnoj sustrečy charaktaryzavała ŭmieńnie hulać, a ź inšaj boku — nastupaŭ momant, kali rabili takija hrubyja pamyłki, za jakija nas, naturalna, karali.

Balelščyki miarkujuć, što treniery i kiraŭnictva fiederacyi musiać syści ŭ adstaŭku. Što dumajecie pra heta?

Heta ja kamientavać zaraz nie budu. Mała što pišuć balelščyki,