Kab adpačyć na Daminikanie, Šry-Łancy ci Maldyvach - treba ad $3,5 tys

Pryčym Daminikana budzie tańniejšaj, čym adpačynak na Indyjskim akijanie.

15.05.2012 / 20:23

Štohod raście kolkaść biełarusaŭ, jakija vyjazdžajuć na adpačynak u ekzatyčnyja krainy.

Ab hetym paviedamiła načalnik adździeła prodažu kampanii «Tez Tur» Alena Juškievič 16 maja na pasiadžeńni kruhłaha stała ŭ Minsku.

Pavodle jaje słoŭ, kolkaść tych, chto vyjazdžaje, raście «ŭ hieamietryčnaj prahresii» — štohod u dva, try, čatyry razy. U razrad «zvyčajnych» turaŭ užo pierajšli pajezdki ŭ Tajłand i AAE, apošnim ža časam adznačajecca rost cikavaści da takich kirunkaŭ, jak Daminikana, Kuba, Mieksika, Brazilija. Kali ŭ 2010 hodzie ŭ Biełarusi byli tolki adzinkavyja vypadki arhanizacyi turaŭ u Šry-Łanku i na Maldzivy, to ŭ minułym asieńnie-zimovym siezonie 2011/2012 u hetym napramku byŭ «naładžany stabilny patok»: štotydniova vyjazdžaje nievialikaja hrupa turystaŭ.

«Ciapier stała papularna padarožničać nie adzin raz na hod», — prakamientavała tendencyju Juškievič. Letam tradycyjna baćki vyvoziać dziaciej na adpačynak u Turcyju, Bałharyju i inšyja papularnyja krainy, a ekzatyčnyja tury — u Šry-Łanku, na Maldzivy, u Indaneziju — karystajucca vialikaj papularnaściu ŭ asieńnie-zimovy pieryjad. Akramia taho, tury na Maldzivy i ŭ Šry-Łanku asabliva zapatrabavanyja ŭ maładych, jakija imknucca paŭdzielničać u ekzatyčnaj viasielnaj cyrymonii.

Jak paviedamiła pradstaŭnik turkampanii, u apošnija hady tury ŭ ekzatyčnyja krainy stanoviacca bolš dastupnymi pa canie. Abvastrajecca kankurencyja pamiž turapieratarami za klijentaŭ, z pašyreńniem kantaktaŭ u dalokich krainach mnohim udajecca znachodzić bolš tannyja prapanovy.

Tak, pavodle słoŭ Juškievič, tydniovy adpačynak u čatyrochzorkavym hateli na Daminikanie pa sistemie «ŭsio ŭklučana» dla dvuch u červieni abydziecca ŭ 3,3 tys. dołaraŭ.

Takim čynam, tydniovy adpačynak u ekzatyčnaj krainie dla dvuch budzie kaštavać ad 3,5 tys. dołaraŭ i bolš, pryčym vierchniaja płanka nie abmiežavana.