Палітвязні Азербайджана пачалі галадоўку напярэдадні «Еўрабачання»
У Азербайджане асуджаныя актывісты апазіцыі пачалі галадоўку з патрабаваннем свайго вызвалення.
16.05.2012 / 09:28
Пра гэта паведаміў сакратар каардынацыйнай рады грамадзянскага руху за дэмакратыю «Грамадская палата» Гюльага Асланлы.
Раней пра намер правесці акцыю галадоўкі асуджаныя праінфармавалі ў лісце, накіраваным у «Грамадскую палату». У акцыі ў розных пенітэнцыярных установах краіны бяруць удзел 12 вязняў сумлення.
Гэта сябры партыі «Мусават» Арыф Гаджылы, Турал Абаслы, Ахад Мамедлі, Руфат Гаджыбейлі, актывісты партыі Народнага фронту Азербайджана — Шахін Гасанлі, Сахіб Керымаў, Мухамед Меджыдлі, Бабек Гасанаў, Эльнур Меджыдлі, Зульфугар Эйвазлы, беспартыйныя Ульві Гуліеў і Відадзі Іскендэраў.
«Грамадская палата» збіраецца 19 мая правесці мітынг у Баку, адным з патрабаванняў якога будзе вызваленне вязняў сумлення.
Нагадаем, што 16 лістапада 2011 Amnesty International правяла ў Баку прэзентацыю даследавання «Вясна, што так і не расквітнела: свабода ў Азербайджане душыцца». Арганізацыя заявіла, што лічыць 17 чалавек, асуджаных у сувязі з акцыямі пратэсту ў Баку вясной мінулага года, вязнямі сумлення і заклікала да іх неадкладнага вызвалення. Чацвёра актывістаў з гэтага спісу ўжо вызваленыя. Такім чынам, у зняволенні застаюцца 13 вязняў сумлення.
Яны адбываюць розныя тэрміны турэмнага пакарання — ад 1,5 да 3 гадоў па абвінавачанні ў «парушэнні грамадскага парадку», «аказанні супраціву паліцыі», «нанясенні шкоды чужой маёмасці», «незаконным захоўванні боепрыпасаў», «ухіленні ад службы ў войску», «незаконным умяшанні ў выбарчы працэс» і інш.
23 студзеня ініцыятары кампаніі «Спявай для дэмакратыі» з мэтай прыцягнуць увагу да праблем з правамі чалавека ў краіне напярэдадні
Улады краіны адпрэчваюць наяўнасць у Азербайджане арыштаваных паводле палітычных матываў.