У Беларусі ў 46% сем'яў ёсць камп'ютар, інтэрнэтам карыстаецца 40% насельніцтва

16.05.2012 / 10:11

У Беларусі практычна ў кожнай другой хатняй гаспадарцы ёсць персанальны камп’ютар, паведаміла прэс-сакратар Нацыянальнага статыстычнага камітэта Алена Кандраценка.

Паводле звестак выбарачнага абследавання, доля хатніх гаспадарак, якія маюць персанальныя камп’ютары, у 2011 г. склала 46,4% ад агульнага ліку абследаваных, якія маюць доступ да сеткі Інтэрнэт з хатняга персанальнага кампутара па стане на пачатак 2012 года — 40,3%.

Паслугамі сеткі Інтэрнэт на пачатку 2012 года карысталіся 39,6% абследаваных насельніцтва, з іх 34,7% — дома, 3,1% — па месцы працы (вучобы), 0,3% — у інтэрнэт-кафэ (клубе), у аддзяленнях сувязі, 0,4% — у сяброў, сваякоў.

17 мая — Сусветны дзень інфармацыйнага грамадства