Акцыя салідарнасці з Каваленкам у Віцебску

Сям’я Сяргея Каваленкі і яго сябар выйшлі да гарадской ратушы.

16.05.2012 / 20:46

Алена Каваленка трымала плакат «Міліцыя хлусіць! Свабоду Сяргею Каваленку ад пераследу!»,

сын Валік раздаваў улёткі з тэкстам: «Свабоду Сяргею Каваленку!»

Сяргей Каваленка, асуджаны на 2 гады і месяц зняволення за парушэнне хятняй «хіміі», якую атрымаў за вывешванне бел-чырвона-белага сцяга на навагодняй яліне ў Віцебску, нядаўна ізноў аднавіў галадоўку. Ён пратэстуе супраць прысуду, а таксама патрабуе вызваліць ўсіх палітвязняў і даць свабоду нацыянальнай сімволіцы. Разгляд касацыйнай скаргі адбудзецца 18 мая ў 9.30 у Віцебскім абласным судзе.