Pabačyć ščaście i abrydacca
Mieładrama «Ščaśliŭčyk» — stałaja alternatyva saplivym «Pryciemkam».
18.05.2012 / 16:12
ZŠA, 2012, kalarovy, 101 chv.
Režysior: Skot Hiks
Roli vykonvajuć: Zek Efran, Tejłar Šylinh, Blis Dener, Rajli Tomas Ściuart, Džej R.Fierhiusan
Žanr: Mieładrama pavodle ramanu Nikałasa Sparksa
Adznaka: 4,5 (z 10)
Marski piechaciniec Łohan Cibo nie padarvaŭsia na minie tamu, što padabraŭ z pyłu žanočuju fatahrafiju. Viarnuŭšysia ŭ Paŭnočnuju Karalinu Łohan vyrašaje znajści nieznajomuju. Ale dziaŭčyna-vyratavalnica jašče nie zdahadvajecca pra svajo ščaście.
Film Skota Hiksa — vietłaja baraćba cukru ź miodam. Mieładrama, pastaŭlenaja pa daloka nie hienijalnaj knizie Nikałasa Sparka, zhubiła navat namioki na kanflikty —
i ŭjaŭlaje saboj adzin vializny «pościk pra kocikaŭ».U jakaści «kocika» vystupaje Zek Efran — čullivy, sumny i zakachany — jaki j sabačku pałaščyć, i dzicia pryhałubić.
Žanočaj udačy Tejłar Šylinh padyhryvaje pryroda: čyrvonaje zołata liściaŭ, sonca na niebaschile, śvietłyja promni. A kali hierainie błažyć — pryroda lutuje navalnicaj i štormam. Pačućci ŭzmacniaje ščodraja muzyka, jakuju stvaralniki nie zažmindzili: film — mieładrama.
Karcina — stałaja alternatyva saplivym «Pryciemkam».Hledačam — ništo nie zaminaje vyspacca, hladačkam — abrydacca ad zamiłavańnia. Padrychtujcie nasovački!