Sprava carkvy «Novaje žyćcio» prypynienaja na niavyznačany termin
Sudździa Karatkievič prypyniła spravu carkvy da momantu, pakul nie atrymaje adkazy na zapyty ŭ kampetentnyja orhany
22.03.2007 / 15:38
Sudździa Karatkievič prypyniła spravu carkvy da momantu, pakul nie atrymaje adkazy na zapyty ŭ kampetentnyja orhany
Na siońniašnim pasiedžańni sudździa zapytała ŭ pradstaŭnikoŭ carkvy, ci atrymali tyja adkaz ź instancyjaŭ, u jakija jany źviartalisia z zapytami pa spravie ab abaronie prava karystańnia ziamielnym nadziełam i budynkam byłoha karoŭniku. Pa słovach praŭnika carkvy Siarhieja Łukanina, zapyty byli dasłanyja ŭ adzinaccać ustanovaŭ, siarod jakich Mienharvykankam dy Administracyja prezydenta. Adkaz pakul atrymany ź Mienharvykankamu. I choć sudździa Karatkievič nie kankretyzavała ŭ jakija kampetentnyja vorhany budzie dasłany zapyt, sp. Łukanin miarkuje, što mienavita ŭ tyja, adkul carkva dahetul čakaje adkazu.
Pavodle zakanadaŭstva, termin adnaŭleńnia spravaŭ, prypynienych sudom, nia vyznačany. U carkvie ličać, što ichnaja sprava adnovicca nie raniej, čym praz 1,5 ‑2 miesiacy.