У кітайскіх шпіталях вылечаць і здаровага
Журналісты з кітайскага гораду Ханчжоў у 10 шпіталях замест пробаў мачы здалі на аналіз гарбату. Вынікі пераўзышлі самыя сьмелыя чаканьні.
23.03.2007 / 12:24
Сур’ёзны скандал выклікала ў Кітаі правакацыя групы рэпарцёраў, якія хацелі праверыць узровень паслугаў у шпіталях гораду Ханчжоў. У 10 шпіталях замест пробаў мачы на аналіз яны аддалі гарбату. Вынікі пераўзышлі самыя сьмелыя чаканьні.
У шасьці шпіталях пасьля аналізу гарбатных пробаў канстатавалі, што пацыенты пакутуюць на запаленьне мочаспускальных шляхоў. У пяці шпіталях прапісалі спэцыяльны курс лячэньня, які каштаваў каля 50 даляраў.
Крах мэдычнай рэформы і высокія кошты на мэдычныя паслугі – адны з галоўных прычынаў усё большай грамадзкай незадаволенасьці ў Кітаі.