Спікер верхняй палаты расійскага парламента сёння прыляціць у Беларусь

04.06.2012 / 08:40

Спікер верхняй палаты расійскага парламента Валянціна Мацвіенка 4–5 чэрвеня наведае з візітам Беларусь.

Як паведаміла прэс-служба савета рэспублікі Нацыянальнага сходу Беларусі, падчас візіту таксама запланаваныя сустрэчы Мацвіенкі са старшынёй верхняй палаты беларускага парламента Анатолем Рубінавым, прэм’ер-міністрам Міхаілам Мясніковічам, кіраўніцтвам БДУ.

4 чэрвеня ў рамках візіту чакаецца падпісанне пагаднення аб супрацоўніцтве паміж саветам рэспублікі і Саветам Федэрацыі Федэральнага сходу Расіі.