«Еўра-прагноз»: Ці пераможа Расія Чэхію?
8.06.2012 / 8:18
Які будзе лік? Вашы стаўкі.
Галандскі трэнер і дортмундскае трыа.
Так Варшаўскі стадыён выглядае з боку Віслы.
Польшча — Грэцыя
Пачатак а 19:00.
Прагноз — 2:0.
Польшча — Грэцыя восем гадоў назад ужо перамагала ў матчы адкрыцця Еўра гаспадара турніра. У 2004 яны апынуліся мацнейшыя за партугальцаў. Тады ж грэкі і сталі чэмпіёнамі кантынента.
На мінулым Еўра гаспадары (швейцарцы) таксама саступілі ў першай сустрэчы.
І ўсё ж здаецца, што сёлета тэндэнцыя не працягнецца. Калі меркаваць па таварыскіх сустрэчах, то Польшча ў выдатнай форме. Тры сухія перамогі перад Еўра. Плюс фактар родных трыбунаў.
Можна смела казаць, што шмат галоў заўзятары не пабачаць. І ўсё палякі павінны, хоць аднойчы, але пакараць грэкаў. Згулянае «дортмундскае трыа» Левандоўскі, Блашчыкоўскі, Пішчэк павінны стаць фундаментам перамогі.
Расія — Чэхія
Пачатак а 21:45.
Прагноз — 1:0.
У нашай усходняй суседкі лёгкая эйфарыя пасля буйной перамогі над Італіяй. Але ж не трэба забывацца, што перад гэтым была нулявая нічыя з Літвой. Расія нестабільная каманда.
Чэхаў цяжка аднесці да фаварытаў турніра. Спарынгі пра гэта таксама сведчаць. Адзіная надзея — натхнёная гульня Петэра Чэха. Калі ён пакажа такі ж клас, як і ў фінале Лігі чэмпіёнаў, то плакалі расійскія спадзяванні на перамогу.
Тым не менш у расіян яшчэ ёсць адзін козыр — трэнер Дзік Адвакат. Пад кіраўніцтвам галандцаў рускія заўсёды гуляюць лепей, чым калі на чале дамарослыя настаўнікі. Расейцы павінны выходзіць з групы, а вось у чвэрцьфінале ім будзе складаней.