Jeŭrasajuz pravodziŭ u Minsku sustrečy z uradavymi ekśpiertami
8.06.2012 / 1:1
Ale dapamoha pa madernizacyi Biełarusi mahčymaja tolki paśla vyzvaleńnia palitviaźniaŭ, davodziać jeŭračynoŭniki.
Jeŭrasajuz hatovy da dyjałohu pa madernizacyi Biełarusi. Takuju dumku vykazaŭ kamisar Jeŭrasajuza pa pytańniach pašyreńnia i palitycy dobrasusiedstva Štefan Fiule padčas kanfierencyi «Miedyjarynak Rasii i krain Uschodniaha partniorstva. «My ŭviali pakiet adrasnych mier u adnosinach režyma, u toj ža čas my viadziem dyjałoh dziela madernizacyi Biełarusi. Hetymi dziejańniami my chočam dapamahčy hramadzianskaj supolnaści Biełarusi», — zajaviŭ Fiule.
«My sprabujem pracavać ź Biełaruśsiu ŭ troch nakirunkach, — udakładniŭ jon. — Heta stymuły dla hramadzianskaj supolnaści, padtrymka dla tych, chto abaraniaje svabodnyja ŚMI, a taksama novy nakirunak — dyjałoh ab madernizacyi. My padkreślivajem, što
madernizacyja mahčymaja tolki paśla reabilitacyi palitźniavolenych».Tym nie mienš, pa słovach Fiule, niekalki dzion tamu ŭ Minsku ŭžo adbylisia sustrečy čatyroch pracoŭnych hrup. U pieramovach pryniali ŭdzieł u tym liku i ŭradavyja ekśpierty.