Суд асудзіў былога міністра ўнутраных справаў Туніса на 12 гадоў турмы

Суд асудзіў былога кіраўніка МУС Туніса Рафіка Бельхаджа Касема на 12 гадоў пазбаўлення волі за забойства ўдзельнікаў «рэвалюцыі 14 студзеня».

14.06.2012 / 13:22

Пра гэта паведамляе ІТАР-ТАСС са спасылкай на мясцовыя СМІ.

Раней на 20 гадоў пазбаўлення волі за «падбухторванне да беспарадкаў, забойстваў і рабаванняў на тэрыторыі рэспублікі» завочна быў прысуджаны экс-прэзідэнт Туніса Зін аль-Абідзін бэн Алі.

Гэта не першы завочны працэс супраць былога кіраўніка дзяржавы. Ён прызнаны вінаватым у крадзяжы дзяржаўнай маёмасці, незаконным валоданні зброяй, карупцыі і катаваннях, незаконных угодах з нерухомасцю, адмыванні грошай, кантрабандзе валюты і ювелірных вырабаў і шэрагу іншых злачынстваў. Агулам бэн Алі атрымаў больш за 90 гадоў турмы. Кіраўнік яго аховы быў сёння апраўданы.

Зін аль-Абідзін бэн Алі збег з краіны 14 студзеня мінулага года ў разгар народных акцый пратэсту. Цяпер ён у Саудаўскай Аравіі, якая згадзілася даць яму прытулак.