Kaścioł Božaha Cieła ŭ Niaśvižy pafarbujuć u koler pałaca Radziviłaŭ - fotafakt

14.06.2012 / 17:25

Pačatak rekanstrukcyi z restaŭracyjaj Niaśvižskaha kaścioła byŭ dadzieny ŭ 2010 hodzie, adnak plon hetaj raboty staŭ bačny tolki niekalki tydniaŭ tamu, kali z kupała kaścioła demantavali ryštavańni. Na novym miednym kupale źjaviŭsia rekanstrujavany kryž (kryž, jaki pomnić Mikałaja Kryštafa Sirotku, było vyrašana raźmiaścić u kaściole), a vierchniaja častka fasada pafarbavana ŭ biežava-srebnyja kolery. Adnaŭleńniem kaścioła Božaha Cieła zajmajecca navukova-vytvorčaje abjadnańnie «Biełrestaŭracyja» na čale ź Siarhiejem Druščycam.

Kaścioł Božaha Cieła — heta adziny pomnik sakralnaj architektury ŭ Biełarusi, uniesieny ŭ Śpis suśvietnaj spadčyny JUNESKA i druhi ŭ śviecie chram, pabudavany ŭ styli baroka. Jon byŭ ŭźviedzieny ŭsiaho za šeść hod (1587—1593 hh.), a pratatypam chrama była hałoŭnaja carkva jezuitaŭ Il Džezu ŭ Rymie.