«Jeŭrasajuzu ni ŭ jakim vypadku nielha izalavać Biełaruś»
Milinkievič u Bierlinie zajaviŭ pra škodnaść izalacyi krainy, niahledziačy na stomlenaść Jeŭropy hetaj prablemaj.
28.06.2012 / 11:08
Pierśpiektyvy jeŭrapiejskaj intehracyi Biełarusi abmierkavany 27 červienia ŭ Bierlinie na sustrečach lidara ruchu «Za Svabodu» Alaksandra Milinkieviča z namieśnikam staršyni hrupy pa źniešniaj palitycy CHDS/CHSS u bundestahu, upaŭnavažanym urada Hiermanii pa
«My havaryli pra toje, što, niahledziačy na samaizalacyju biełaruskaj ułady, Jeŭrasajuzu ni ŭ jakim vypadku nielha izalavać krainu, što treba mieć šmatuzroŭnievuju palityku i stratehiju, što vielmi važna praciahvać intensiŭnuju pracu z hramadzianskaj supolnaściu, biełaruskim biźniesam, ekśpiertami, maśmiedyja. Vielmi važna, kab Jeŭropa adkryta skazała pra toje, što ŭ Biełarusi jość pierśpiektyvy ŭ Jeŭrasajuzie paśla vykanańnia ŭsich umoŭ, bo dla rostu prajeŭrapiejskich nastrojaŭ heta nieabchodna, kab nie było depresii», — paviedamiŭ BiełaPAN Milinkievič.
Pavodle jaho słoŭ, na sustrečach zakranałasia taksama «staraja tema» — vizavy režym.«Kali my chočam, kab było bolš prademakratyčnych nastrojaŭ, nieabchodna ablehčyć pajezdki biełarusaŭ, bo 70% ź ich nikoli nie byli ŭ Jeŭrasajuzie, chutčej, heta im niedastupna», — zaznačyŭ palityk.
«Ja havaryŭ im pra važnaść sadziejničańnia małomu i siaredniamu biźniesu ŭ Biełarusi, pašyrać prahramy inviestavańnia, — skazaŭ Milinkievič. — Padkreślivałasia, što biełaruskaja ŭłada nieadnarodnaja, častka biurakratyi maje refarmatarskija nastroi i heta častka pavinna adčuvać svaju pierśpiektyvu ŭ ES».
Aprača taho, razmova išła pra toje, što vyzvaleńnie palitźniavolenych nie abmiarkoŭvajecca.«Paśla vyzvaleńnia važna raźvivać prahramy partniorstva dla madernizacyi. Biełaruś pavinna nie praz Rasiju ŭstupać u SHA, a samastojna. I jana ŭ stanie pravieści madernizacyju chutčej za Rasiju. Heta ŭzmocnić nie tolki naš ekanamičny patencyjał, ale i našu niezaležnaść. My šmat havaryli ab pahrozie ekanamičnaj anieksii, pra toje, što pryvatyzacyja rasijskimi aliharchami biełaruskaj ekanomiki i asabliva ŭviadzieńnie rasijskaha rubla mohuć anulavać našy šancy na jeŭrapiejski šlach. U Jeŭropie razumiejuć hetu niebiaśpieku», — zajaviŭ lidar ruchu «Za Svabodu».
Pavodle słoŭ Milinkieviča, padčas pieramoŭ jon nie čuŭ hołasu pra toje, što demakratyzacyju Biełarusi treba pravieści praz Maskvu.«Maskva sama nie demanstruje žadańnia realnaj palityčnaj libieralizacyi, tamu Biełaruś pavinna prajści hety šlach samastojna», — zaznačyŭ jon.
«Maje surazmoŭcy padkreślivali: Jeŭropa choć i stamiłasia ad taho, što vykarystanyja mietady demakratyzacyi Biełarusi, naładžvańnia intehracyjnych prajektaŭ nie pracujuć, nichto nie apuskaje ruki i ŭsie praciahvajuć ličyć Biełaruś adnym z pryjarytetaŭ — niahledziačy na toje što ŭ Jeŭropy vielmi šmat prablem, u pieršuju čarhu ź jeŭra.Dla ES my zastajemsia važnym i pierśpiektyŭnym partnioram», — skazaŭ Milinkievič.
Na 28 červienia Milinkievič zaprošany ŭ Brusiel, dzie projduć samit Jeŭrapiejskaj narodnaj partyi z udziełam kiraŭnikoŭ viadučych jeŭrapiejskich krain i pieramovy ŭ ofisie viarchoŭnaha kamisara ES pa źniešniaj palitycy Ketryn Eštan. Na 29 červienia zapłanavana hutarka ź jeŭrakamisaram pa pytańniach pašyreńnia i palityki dobrasusiedstva Štefanam Fiule.
26 červienia Milinkievič vystupiŭ na pradstaŭničaj sustrečy ŭ MZS Hiermanii, jakuju arhanizavała kiraŭnik departamienta Rasii, Ukrainy, Biełarusi, Małdovy, Paŭnočnaha Kaŭkaza i Centralnaj Azii źniešniepalityčnaha viedamstva FRH Ziuzanie Šutc.