Na palitviaźniaŭ cisnuć praz «ssučanych»
Hatovy vypuścić biez pryznańnia viny, patrabujecca prośba ab pamiłavańni.
03.07.2012 / 09:26
Siońnia 3 Lipienia, i šmat chto spadziavaŭsia, što da hetaj daty z turmaŭ vyjduć palitviaźni.Ale amnistyja, prymierkavanaja da śviata, była pradumanaja takim čynam, kab na palityčnych jana nie raspaŭsiudžvałasia.
Pierš čym vypuścić, palitviaźniaŭ chočuć zmusić da simvaličnaha prašeńnia ab pamiłavańni.
Kab vybić takuju papieru, ich usialak presujuć. Jość infarmacyja, što ŭ vypadku pravaabaroncy Alesia Bialackaha dla cisku vykarystoŭvajuć,
Vyzvaleny z babrujskaj kałonii čałaviek raskazaŭ, što, akramia taho, administracyja karaje za razmovy ź Bialackim i prajavy simpatyjaŭ da jaho. Viaźniaŭ mohuć pieravieści ŭ inšy atrad ci pazbavić palohkaŭ.
Svaje dziejańni administracyja kałonii tłumačyć tym, što što ŭ atradzie jość Bialacki, jaki nie choča raskajacca.
Anałahičnyja źviestki nadyšli z turmy ad Mikałaja Statkieviča.
U čarhovym liście žoncy były kiraŭnik niezaležnaha Biełaruskaha zhurtavańnia vajskoŭcaŭ zhadvaje prapanovu atrymać pamiłavańnie, jakuju jon nie pryniaŭ:«18.06 mnie skazali, što jość mahčymaść atrymać „pamiłavańnie“, biez pryznańnia viny. Ja admoviŭsia, i 20.06 u kamieru pasadzili čałavieka, jaki nazvaŭsia proźviščam asudžanaha, ź jakim ja niadoŭha bačyŭsia ŭ kałonii № 17. Ale ja nie paznaŭ u im taho čałavieka. Ja raspavioŭ jamu, što za ludzi ŭ našaj kamiery i jon staŭ prasicca ŭ inšuju kamieru, ale jaho nie vypuścili. Ja raspytaŭ jaho i jon narešcie pryznaŭsia, što 2 miesiacy siadzieŭ u kamiery z chvorymi na ŚNID».
«U nas niama palitviaźniaŭ», — śćviardžajuć łukašenkaŭskija dypłamaty.Adnak u turmach realnaść inšaja. Na izalacyju mienavita palityčnych pracuje administracyjny miechanizm. Junak Mikita Lichavid, adzin z asudžanych pa spravie Płoščy, raskazvaŭ, što asabliva zastrašanyja źniavolenyja bajalisia sutyknucca ź im navat na leśvicy i, pabačyŭšy jaho, uciakali ŭpodbiež.
U turmach zastajucca lidarafhancaŭ-pradprymalnikaŭ Mikałaj Aŭtuchovič, lidar Biełaruskaj chryścijanskaj demakratyi Pavieł Sieviaryniec, lidary Maładoha Frontu Źmicier Daškievič i Eduard Łobaŭ, lidary anarchistaŭ Dziadok, Alinievič i Franckievič, Jaŭhien Vaśkovič dy dva inšyja chłopcy, jakija kinuli butelku z zapalnaj sumieśsiu ŭ budynak KDB, dy šerah inšych apazicyjanieraŭ.