Łukašenka siońnia jedzie na «Słavianski bazar»

12.07.2012 / 17:12

Alaksandr Łukašenka pavodle tradycyi adkryje Mižnarodny fiestyval mastactvaŭ «Słavianski bazar u Viciebsku», paviedamili ŭ jaho pres-słužbie.

Alaksandr Łukašenka siońnia na scenie Letniaha amfiteatra ŭručyć hałoŭnuju ŭznaharodu «Słavianskaha bazaru» — «Praz mastactva — da miru i ŭzajemarazumieńnia» narodnamu artystu Rasii Lvu Leščanku. Akramia taho, premijami Sajuznaj dziaržavy ŭ halinie litaratury i mastactva buduć adznačanyja narodny mastak Biełarusi Hieorhij Papłaŭski i rasijski paet Hleb Harboŭski.