Блогерка: А на якой мове Латушка размаўляе ў ложку?

«Відавочна, «Нашай Нівай» кіруюць мужчыны...»

16.07.2012 / 20:31

«Відавочна, «Нашай Нівай» кіруюць мужчыны, бо ўсё пішуць і пішуць пра чароўную спадарожніцу Латушкі, з якой ён быў заўважаны то тут, то там, — піша ў сваім Фэйсбуку Аксана Спрынчан. — А мне дык цікава было б даведацца, ці размаўляе яна па-беларуску і на якой мове міністр размаўляе з ёю, у тым ліку ў ложку? А то — чароўная-нечароўная...»

Невядома, ці прачытаў гэты запіс міністр культуры. Але сам факт такой нясціплай цікаўнасці азначае, што жаночая частка беларускага чалавецтва да галоўнага культурніка краіны яўна неабыякавая.

Сяргей Гезгала