Ministr abarony, a taksama švahier Bašara Asada zabityja ŭ Damasku
Ich zabiŭ śmiarotnik la budynka nacyjanalnaj biaśpieki.
18.07.2012 / 14:29
Ministr abarony Siryi Daud Radžcha byŭ zabity ŭ vyniku napadu śmiarotnika, jaki padarvaŭ siabie la budynka słužby nacyjanalnaj biaśpieki ŭ Damasku.
Jašče niekalki čałaviek ciažka paranienyja. Zabity taksama švahier Bašara Asada. Padčas vybuchu ŭ budynku prachodziła narada z udziełam ministraŭ i pradstaŭnikoŭ słužbaŭ biaśpieki.
Pradstaŭniki paŭstancaŭ zajaŭlajuć ab pačatku vialikaj vajennaj apieracyi ŭ siryjskaj stalicy.
Siryjskija aficyjnyja asoby, sa svajho boku, kažuć, što maštaby paŭstanckaha nastupu pierabolšanyja.
Pradstaŭniki AAN napiaredadni hałasavańnia ŭ Radzie Biaśpieki ŭ sieradu pa pytańni ab uviadzieńni sankcyj suprać Siryi sprabujuć pierakanać Kitaj i Rasieju pahadzicca na bolš žorstkija miery ŭ dačynieńni da režymu prezidenta Bašara Asada.