Biełarusy, jakija trapili ŭ DTZ va Ukrainie, viartajucca na radzimu
U Biełarusi paciarpiełyja buduć užo siońnia.
23.07.2012 / 09:45
Paciarpiełyja ŭ avaryi, što adbyłasia ŭčora ŭ Chiersonskaj vobłaści, viartajucca ŭ Minsk na aŭtobusie. Jon viazie 33 čałavieki. Pra heta ŭ paviedamiŭ pres-sakratar MNS Biełarusi Vital Navicki. U Biełarusi paciarpiełych sustrenuć psichołahi i miedyki ministerstva pa nadzvyčajnych situacyjach.
Nahadajem, što ŭ subotu ŭ 23:40 u Kałančakskim rajonie Chiersonskaj vobłaści adbyłosia DTZ -- łabavoje sutyknieńnie hruzavoha mikraaŭtobusa «Ford Transit» i pasažyrskaha aŭtobusa «SETRA», jaki pieravoziŭ 46 hramadzian Biełarusi. Ppaśla sutyknieńnia aŭtobus pierakuliŭsia.
Usiaho ŭ aŭtobusie SETRA znachodziłasia 46 pasažyraŭ i 2 kiroŭcy. Paciarpieli kiroŭca aŭtobusa i 28 pasažyraŭ. Častka ź ich trapiła ŭ špital.