У Алімпійскай вёсцы падняты беларускі афіцыйны сцяг
23.07.2012 / 09:52
22 ліпеня ў Алімпійскай вёсцы быў урачыста падняты Дзяржаўны [чырвона-зялёны] сцяг Рэспублікі Беларусь.
На спецыяльна адведзенай для гэтага пляцоўцы арганізатары з дапамогай акцёраў моладзевага тэатра разыгралі яркі касцюмаваны спектакль з песнямі і танцамі.
Асноўны лейтматыў -- лонданская Алімпіяда дае шанец стаць чэмпіёнам кожнаму.
У цырымоніі прынялі ўдзел шэф беларускай місіі Сяргей Нерад, генеральны сакратар Нацыянальнага алімпійскага камітэта Георгій Катулін, Надзвычайны і Паўнамоцны Пасол Рэспублікі Беларусь Аляксандр Міхневіч.
Нагадаем, урачыстае адкрыццё Алімпіяды адбудзецца 27 ліпеня.