Martynaŭ lacić u Brusiel
Kiraŭnik MZS Biełarusi voźmie ŭdzieł u naradzie ministraŭ zamiežnych spraŭ krain «Uschodniaha partniorstva»
23.07.2012 / 11:06
23 lipienia ŭ Brusieli ministr zamiežnych spraŭ Biełarusi Siarhiej Martynaŭ voźmie ŭdzieł u naradzie ministraŭ zamiežnych spraŭ krain — partnioraŭ «Uschodniaha partniorstva» (UP), kiraŭnictva Jeŭrapiejskaj słužby źniešnich dziejańniaŭ i Jeŭrakamisii.
Jak paviedamlajecca na aficyjnym sajcie biełaruskaha MZS, udzielniki sustrečy abmiarkujuć pramiežkavyja vyniki pracy UP, pierśpiektyvy jaho raźvićcia na bližejšy hod, a taksama pryniatuju Jeŭrasajuzam u mai 2012 hoda «darožnuju kartu» Uschodniaha partniorstva na 2012—2013 hady.
Kiraŭnik biełaruskaj delehacyi vystupić z pazicyjaj Biełarusi pa pytańniach adnosin ź ES i pavyšeńnia efiektyŭnaści UP, praviadzie šerah dvuchbakovych sustreč z kiraŭnictvam struktur ES i kiraŭnikami delehacyj krain — udzielnic narady.