Прайшла Вербная нядзеля
1 красавіка праваслаўныя і каталікі адзначылі Вербную (Пальмовую) нядзелю.
01.04.2007 / 22:19
1 красавіка праваслаўныя і каталікі адзначылі Вербную (Пальмовую) нядзелю.
Гэтае сьвята ўстаноўленае ў памяць уваходу Ісуса Хрыста ў Ерусалім. Напярэдадні гэтага, Ісус зьдзейсьніў цуд уваскрасеньня Лазара. Вестка пра гэта разьнеслася шырока, і сьвет народу вітаў яго як цара пальмовымі галінкамі.
У Беларусі на гэтае сьвята асьвячаюць вербныя галінкі — яны сымбалізуюць тыя пальмовыя, якімі сустракалі Хрыста.
Наступны тыдзень — Страсны. Ён папярэднічае Вялікадню. У гэтым годзе Пасха шчасьліва супадае ў каталікоў і праваслаўных — 8 красавіка.
У Вялікі чацьвер, Вялікую пятніцу і Вялікую суботу вернікі ўспамінаюць пакуты і сьмерць Ісуса Хрыста і рыхтуюцца да сьвята Яго ўваскрашэньня.