Anton Surapin prysłaŭ list maci

Asobna ŭ liście Antona prypisana: «Usim siabram BAŽ: Niachaj žyvie biełaruskaja niezaležnaja žurnalistyka!».

24.07.2012 / 16:16

Maci žurnalista, jaki byŭ zatrymany 13 lipienia i ciapier utrymlivajecca ŭ SIZA KDB, atrymała ad jaho list.

Pasłańnie, datavanaje 22 lipienia, pryjšło siońnia baćkam u Słuck. Anton dziakuje za atrymanuju pieradaču, pieradaje pryvitańnie ŭsim svajakam, a taksama žurnalistam-fatohrafam, «ź jakimi lotaje pa repartažach». «I smajlik prymalavany, — kaža maci žurnalista. — Tam vielmi šmat proźviščaŭ, ja ŭsie nie pieraliču…"

Asobna ŭ liście Antona prypisana: «Usim siabram BAŽ: Niachaj žyvie biełaruskaja niezaležnaja žurnalistyka!».

* * *

Nahadajem, što Anton Surapin byŭ zatrymany 13 lipienia supracoŭnikami KDB pa padazreńni ŭ «dapamahańni naŭmysnym niezakonnamu pierasiačeńniu miažy, ździejśnienamu arhanizavanaj hrupaj asobaŭ», jamu pahražaje da siami hadoŭ pazbaŭleńnia voli.

Student Instytuta žurnalistyki BDU pieršym vykłaŭ u internecie fatahrafii cacačnych miadźviedziaŭ, skinutych 4 lipienia nad Iviancom i Minskam sa šviedskaha samalota, jaki niezakonna pierasiok dziaržaŭnuju miažu. Pa słovach Antona, fatahrafii jamu byli vysłanyja pa elektronnaj pošcie. Akcyja šviedaŭ była praviedziena z metaj padtrymać svabodu słova ŭ Biełarusi.

23 pipienia skončylisia 10 sutak, na praciahu jakich Surapinu abo pavinny byli pradjavić abvinavačvańnie, abo adpuścić z-pad varty. Na volu žurnalist nie vyjšaŭ, ci pradjaŭlena jamu abvinavačvańnie, nieviadoma.

baj.by