Pad Horadniaj pradajecca pałac
Haradzienskija ŭłady pradajuć Śviacki Pałac — archiealahičny pomnik XVIII stahodździa, jaki ŭžo niekalki dziesiacihodździaŭ zaniadbany.
02.04.2007 / 10:53
Haradzienskija ŭłady pradajuć Śviacki Pałac — archiealahičny pomnik XVIII stahodździa, jaki ŭžo niekalki dziesiacihodździaŭ zaniadbany.
U miascovym biudžecie niama srodkaŭ na jaho adnaŭleńnie, tamu ŭłady musili źviarnucca da takoha śmiełaha chodu — šukać inviestaraŭ.
Pry hetym, pa słovach namieśnika staršyni hrodzienskaha rajvykankamu Valeryja Klimoviča, usio adno adkul budzie inviestar — ci to z-za miažy, ci to naš, biełaruski. Hałoŭnaje, kab byli srodki na adnaŭleńnie, a sam pałac i park vakoł jaho vykonvali b turystyčnuju funkcyju.
Prybliznyja košty pałaca-parkavaha kompleksu Klimovič nazvać nie ŭ stanie. Žadajučy nabyć histaryčny pomnik musić źviartacca naŭprost u rajvykankam, dzie jamu i paviedamiać pra košty i mahčymaści realizacyi ździełki.