Севярынцу афіцыйна адмовілі ў амністыі
Паўла выклікалі ў дзяжурную частку спецкамендатуры №7 і паказалі паперу, што амністыя яго не датычыць.
26.07.2012 / 15:19
Нагадаем, што сустаршыня аргкамітэта па стварэнні БХД Павел Севярынец адбывае тры гады абмежавання волі. Яго прызналі вінаватым у арганізацыі масавых беспарадкаў 19 снежня 2010 годуа
Апошняя амністыя была праведзеная ў Беларусі ў сярэдзіне ліпеня. Ніводны палітвязень па амністыі вызвалены не быў.
«Палітвязні сёння — гэта закладнікі, — кажа Павал Севярынец. — Відавочна, што выгандляваць грошы за вызваленне сваіх апанентаў на Захадзе рэжыму не ўдалося. Гэта значыць, палітвязні і надалей застануцца ў турмах».