Łukašenka: U Biełarusi nieabchodna stvaryć siem bujnych turystyčnych zon

«Voś pryjechaŭ čałaviek, prajechaŭ pa kołcy, dzie zachacieŭ — spyniŭsia, padychaŭ čystym pavietram».

27.07.2012 / 15:39

Takuju zadaču pastaviŭ siońnia Łukašenka padčas rabočaj pajezdki ŭ Bresckuju vobłaść.

Łukašenku prainfarmavali ab vykanańni daručeńnia pa budaŭnictvie aŭtamabilnaj darohi ŭ abychod terytoryi Nacyjanalnaha parku «Biełaviežskaja pušča». Jak adznačyŭ jon, heta piłotny prajekt.

«Nam treba ŭ kožnaj vobłaści mieć taki vuzieł. Voś pryjechaŭ čałaviek, prajechaŭ pa kołcy, dzie zachacieŭ — spyniŭsia, padychaŭ čystym pavietram.
Ale ŭžo jość vuzieł vakoł Biełaviežskaj puščy. U Viciebskaj vobłaści šmat takich turystyčnych miescaŭ. Treba zamykać ich u koła i tak pačynać pracavać. Toje ž samaje ŭ inšych halinach. u Minskaj vobłaści dva-try takija vuzły pavinna być, nie ličačy Minska. Voś kali my takija «kułaki» stvorym, tady ŭ pierśpiektyvie i hrošy dobryja zmožam ŭziać», — miarkuje Łukašenka.

«Treba stvaryć 7 mahutnych turystyčnych» kułakoŭ «u Biełarusi, a nie prosta razmaŭlać», — dadaŭ jon.