Куды разбегліся футбалісты?

Хто паехаў на заробкі, хто гуляў на вяселлі.

06.08.2012 / 11:07

У чарговым туры футбольнага чэмпіянату 2-гі лігі маладзечанская «Забудова», якая апошнім часам адчувае недахоп сродкаў, на сваім полі разгромна прайграла «Іслачы» — 0:5/

У каментарах да рэпартажу на сайце «Рэгіянальнай газеты», заўзятары задаліся пытаннем, а чаму не гулялі асноўныя футбалісты «Забудовы».

Карэспандэнт Сяргей Зянько адказаў:

«Віталь Макрыцкі паехаў у Маскву на заробкі, Раман Шаўчэнка паехаў у Смаленск паступаць у інстытут, Антон Шчэрба гуляў на вяселлі, Аляксандр Грыхуцік аб’явіў, што завяршуў выступленне за «Забудову», мабільны тэлефон Андрэя Шаблінскага падчас падрыхтоўкі да гульні быў недаступны. Вось так… :-(((»

nn.by