Ekvador zhodny dać prytułak zasnavalniku Wikileaks Asanžu
Asanž na dadzieny momant chavajecca ad brytanskich uładaŭ u ekvadorskim pasolstvie ŭ Łondanie.
16.08.2012 / 17:02
Ekvador zhodny dać prytułak zasnavalniku sajta Wikileaks Džuliani Asanžu, jaki ŭ ciapierašni čas chavajecca ad brytanskich uładaŭ u ekvadorskim pasolstvie ŭ Łondanie, abviaściŭ ministr zamiežnych spraŭ krainy Rykarda Pacinja.
Hetuju navinu, abvieščanuju ŭ miehafon la ścien ambasady Ekvadora ŭ Łondanie, sustreli hromam apładysmientaŭ.
Karespandent
U asnoŭnym siarod tych, chto sabraŭsia — žychary Ekvadora, jakija vystupajuć, pa ich słovach, suprać cisku Vialikabrytanii na ich krainu.
Taksama siarod aktyvistaŭ znachodzilisia apranutyja ŭ maski chakiery z hrupy Anonymous.
Jak raskazaŭ karespandentu chakier, jaki nazvaŭsia Megadeath, hrupa vitaje rašeńnie ŭładaŭ Ekvadora, jakija tym samym padtrymali svabodu infarmacyi. «My z Asanžam robim adnu spravu!», — zajaviŭ jon.