Bresckija pamiežniki zatrymali kantrabandu bolš jak na miljard rubloŭ

Dźvie bujnyja partyi nielehalnaha tavaru zatrymali 15 žniŭnia bresckija pamiežniki.

16.08.2012 / 17:04

Jak paviedamili ŭ pres-centry Dziaržaŭnaha pamiežnaha kamiteta, sumiesna z supracoŭnikami milicyi i departamienta finansavych rasśledavańniaŭ na trasie M-1 u Žabinkaŭskim rajonie Bresckaj vobłaści była spyniena aŭtamašyna «Tajota» staličnaj rehistracyi, u jakoj, pavodle apieratyŭnaj infarmacyi, mahła pieravozicca kantrabanda.

Pry nadhladzie ŭ inšamarcy byli znojdzieny bolš za 100 žanočych sumačak i bolš za 100 par žanočaha abutku. Uładalnik aŭtamabila nie zmoh padać apieratyŭnikam dakumienty, jakija paćviardžajuć lehalnaść nabyćcia tavaraŭ, bo jany pieramiaščalisia cieraz punkty propusku drobnymi partyjami, a zatym źbiralisia i składavalisia dla pieraprodažu. Papiaredni košt tavarna-materyjalnych kaštoŭnaściaŭ, pieradadzienych finansavaj milicyi, — 913,5 miljona rubloŭ.

U punkcie propusku «Varšaŭski most» pahraničny narad sumiesna z supracoŭnikami mytni padčas afarmleńnia na ŭjezd aŭtamašyny «Falksvahien» znajšoŭ u asabistych rečach i pad ručnoj pakłažaj vadziciela nie ŭniesienyja ŭ dekłaracyju mabilnyja telefony i pradmiety adzieńnia na 101,5 miljona rubloŭ. Nielehalny hruz kanfiskavany.