У Мінску Пуціну прапанавалі адгадаваць вусы
Плакаты ў абарону Pussy Riot з'явіліся на мінскіх помніках.
18.08.2012 / 18:51
Такім чынам актывісты Zмены пратэставалі супраць прысуду удзельніцам панк-гурту Pussy Riot, асуджаным на два гады калоніі.
У Пуціна, які стаіць за такім суровым вердыктам Хамоўніцкага суда Масквы, два шляхі: альбо прыпадабняцца да свайго беларускага «калегі», альбо зрабіць як нармальны мужык і не зрываць злосць на безабаронных дзяўчатах,паведамляе zapraudu.info.
Мінакі рэагавалі станоўча, некаторыя нават выказалі жаданне сфатаграфавацца разам з "пратэстоўцамі".
Акцыя доўжылася 20 хвілін, пасля чаго нейкі тып у цывільным адабраў у помнікаў плакат і знік ў невядомым кірунку.
Перфомансы салідарнасці прайшлі на праспекце Пераможцаў і ў Міхайлаўскім скверы сталіцы.